Ka disa ditë që qarkullon lajmi se është arritur një marrëveshje verbale mes Rudiger dhe Real Madrid dhe mbrojtësi me shumë gjasa do kalojë tek madrilenët me parametra 0 në merkaton e kësaj vere. Marrëveshja pritet të jetë për 4 sezone ose 4+1, me një sërë kushtesh nga pas.
Gjithashtu “MARCA” zbulon se Rudiger do të paguhet afro 9 milion euro në sezon, si dhe gjermani do të përfitojë një bonus për nënshkrimin e tij i cili mendohet të jetë tetë milionë euro, i llogaritur me dy në sezon. Me këtë, paga e Rudiger do të jetë 11 milionë euro në vit dhe shuma totale është 44 milionë, 11 milionë më pak se sa kërkonte. Mes të tjerash do të ketë edhe një pagesë prej 15 milionë eurosh për komisonet.
Pra gjihsej, Real Madridi do të investojë rreth 59 milionë euro (përfshirë pagën neto) deri në vitin 2026 në Rudiger, të cilin e konsiderojnë një mundësi të mrekullueshme tregu.
Ai mendohet se do të sjellë përvojë, lartësi shumë të nevojshme që skuadrës i mungon në krye, shkathtësi (ai ka më shumë përvoja në treshen e pasme) dhe lidership falë personalitetit të tij.