Policia e Krujës ka zbuluar në fshatin Mafsheq 2 ambiente të përshtatura për kultivim të lëndëve narkotike.
Në këto dy ambiente u gjetën 28 bimë kanabisi të mbjella dhe 116 fidanë të dyshuar narkotikë cannabis, gati për t’u mbjellë, të cilat u sekuestruan në cilësinë e provës materiale.
Në vijim të veprimeve për këtë rast, u shpall në kërkim shtetasi E. D., 24 vjeç.
Materialet procedurale i kaluan Prokurorisë, për veprën penale “Kultivimi i bimëve narkotike”, parashikuar nga neni 284 i Kodit Penal.