Një pasardhës i doktorit personal të diktatorit nazist Adolf Hitler ka publikuar disa letra personale ku zbulohet sesi Hitleri tmerrohej kur trajtohej për problemet me zërin.
Carl Otto von Eicken –specialisti gjerman i hundës, fytit e veshit – ka trajtuar Hitlerin disa herë gjatë 10 vjetëve të shërbimit prej vitit 1935.
Letrat janë zbuluar nga Robert Deopgen, stërnipi i von Eicken, i cili i gjeti teksa kërkonte në arkivat e familjes për një projekt arsimor.
Aty dëshmohet për tmerrin e Hitlerit nga sëmundjet e rënda. “Nëse diçka shkon keq, më duhet ta di absolutisht”, i tha Hitler doktorit pas konsultimit të tyre të parë në maj 1935, sipas dokumenteve.
Në to demonstrohet sesa rëndësi i kushtonte ai zërit të tij, të cilin e përdorte në fjalimet e propagandës për të shumëfishuar mbështetjen ndaj kauzës naziste.
Në një tjetër tregohet sesi von Eicken këshillonte Hitlerin të merrte pushime për të mbrojtur zërin e tij.
Në asnjë rast von Eicken nuk përmendte faktin se po kujdesej për një njeri besohet se është përgjegjës për miliona vdekje.
Kur ishte pyetur nga hetuesit rusë se përse nuk e kishte vrarë Hitlerin, von Eicken ishte përgjigjur: “Isha doktori i tij dhe jo vrasësi”.
Adolf Hitler besohet se ka vrarë veten në një bunker në Berlin në 1945 pasi ishte rrethuar nga Ushtria e Kuqe sovjetike.
Por shumë teori qarkullojnë që thonë se kryenazisti mund të jetë arratisur në Amerikën Latine siç ndodhi në shumë krerë të ushtrisë gjermane në fund të luftës.