Pas më pak së 100 ditësh pasi u largua nga Shtëpia e Bardhë ish-presidenti amerikan, Barack Obama ka gjetur mënyrën më të mirë për të fituar para.
Sipas mediave amerikane, ish-presidenti i SHBA’së është ftuar të flasë në një konferencë të Wall Street në këmbim të rreth 400 mijë dollarëve, shumë sa dyfishi i pagesës së Hillary Clinton, e cila ka folur disa kohë më parë pothuajse për të njëjtën çështje.
Ai do të paraqitet në konferencën e kujdesit shëndetësor të Cantorit në shtator, ndërsa do jetë personi kryesor i drekës që do zhvillohet, raporton FOX Business.
Ish presidenti amerikan ka nënshkruar kontratën për ngjarjen, por gjithsesi kompania ende nuk e ka bërë publik vendimin.
Kujtojmë se ish-presidenti zbuloi se projekti i tij i parë pas Shtëpisë së Bardhë do të përqendrohej në nxitjen e brezit të ardhshëm për t’u bërë më i politizuar dhe i angazhuar. /TiranaNews/