Mundësi olimpik egjiptian Mohamed ‘Kesho’ Ibrahim është arrestuar në Paris për një sulm të dyshuar seksual.
Prokuroria e Parisit lëshoi një deklaratë duke thënë: “Më 9 gusht rreth orës 5 të mëngjesit, një burrë i lindur në mars 1998 në Egjipt, i cili ishte mundës në delegacionin Olimpik, u arrestua përpara kafenesë Oz”.
Mësohet se ai është arrestuar pasi dyshohet se ka prekur të pasmet e një klienteje në kafene.
Komiteti Olimpik Egjiptian (EOC) konfirmoi se Kesho, i cili fitoi një medalje bronzi në Lojërat Tokio 2020, ishte anëtari i ekipit. EOC shtoi se ai do të hetohet nga komiteti i etikës dhe mund të përballet me një ndalim të përjetshëm nga konkurrimi.
“Nëse pretendimet vërtetohen, mundësi do të përballet me pezullim të përhershëm dhe do të ndalohet nga pjesëmarrja në garat vendase dhe ndërkombëtare”, thuhet në njoftim.