Prokuroria pranë Gjykatës së Shkallës së Parë Tiranë ka dhënë sot informacion zyrtar mbi urdhër-arrestet e lëshuar për tre infermiere dhe një sanitare të spitalit Covid-2 “Shefqet Ndroqi”, që lidhen me skandalin korruptiv të sanitares Tire Alldervishi.
Pas hetimeve, Prokuroria ka zbuluar se një skemë të dyshuar kriminale, me qëllim përfitimin në kurriz të pacientëve të sëmurë me koronavirus.
“Në vijim të veprimeve hetimore u kryen sekusetrime, këqyrje, pyetje e personave etj, dhe nga e gjithë veprimtaria hetimore deri në stadin aktual, shihet qartë që persona me detyrë infermiere apo sanitare në Spitalin “Shefqet Ndroqi”, kanë krijuar një skemë të mirëfilltë, me qëllimin e vetem kriminal të përfitimit sa më shumë në kurriz të pacientëve të sëmurë me Covid-19 dhe familjarëve të tyre”, thuhet në njoftimin e Prokurorisë.
Njoftimi i plotë
Prokuroria pranë Gjykatës së Shkallës së Parë Tiranë ka regjistruar P.p.nr.281 datë 13.01.2021 në ngarkim të shtetases Tire Alldervishi për kryerjen e veprës penale të ”Mashtrimit” të parashikuar nga nenet 143/2 te Kodit Penal.
Shtetasja Eltjana Sinanaj, e cila ka bërë kallëzim penal ndaj shtetases Tire Alldervishi e datëlindjes 15.03.1962 pasi sipas saj, i ka marrë disa shuma parash të konsiderueshme për ti shërbyer mamasë së kallzueses e cila ishte e shtruar në spital me Covid 19, duke iu prezantuar si inferimiere ndërkohë që ishte sanitare e spitalit. Gjithashtu në emisionin “Stop” të datës 12.01.2021 janë transmetuar pamjet për ngjarjen e ndodhur.
Në datën 28.11.2020 mamaja e kallzueses është shtruar tek spitali universitar “Shefqet Ndroqi”, pasi ka rezultuar pozitive me Covid-19 dhe ka ndërruar jetë po në këtë spital, më datë 25.12.2020. Në derë i është paraqitur një shtetase e veshur si infermiere dhe i ka thënë që është infermiere në spitalin “Shefqet Ndroqi”. Kjo shtetase ishte Tire Alldervishi dhe që më vonë ka marrë vesh se punonte si sanitare në këtë spital. Që në momentin e parë i ka kërkuar një shumë prej 2000 lekësh që t’i jepte telefonin nënës, duke i thënë që po e bënte për atë, edhe pse nuk e kishte parë asnjëherë më përpara. Më pas i thotë ta presë në lokal. Kur vjen në lokal i ka kërkuar- meqënëse infermierët e tjerë nuk lejohen të vijnë në lokal e ka marrë ajo përsipër – shumën e lekëve 10 000 lekë për doktoreshën dhe 5000 për infermierët dhe sanitarët që i hiqnin pampersin. Kjo shumë vazhdonte çdo ditë dhe kanë qenë ditë të pakta që kallzuesja ka dhënë vetëm 3000 lekë për infermierët dhe 5000 për doktoreshën dhe përpos tyre i jepte listën e ilaçeve që duhet të merrte nga jashtë. Kallëzuesja nuk e dinte a po ja jepnin ilaçet apo jo, sepse nëna e saj i kishte thënë me mesazhe që nuk i japin asgjë nga ato që i sillnim ata.
Shuma e paguar në total është rreth 800.000 lekë të reja, pa llogaritur ilaçet që kallezuesja, sipas instruktimit të Tire Alldervishit, i blinte nëpër farmaci të ndryshme për t’ia dhënë asaj me qëllim që të bëhej mjekimi i mamasë së saj.
Komunikimet ndërmjet Tire Alldervishi tdhe kallëzueses janë bërë si verbalisht, ashtu edhe neëpërmjet rrjetit të komunikimit What’sUp.
Eshtë ndaluar shtetasja Tire Alldervishi dhe ndaj saj është depozituar kërkesa e Prokurorisë për vleftësimin e ndalimit dhe caktimin e masës së sigurisë “arrest ne burg”.
Prokuroria pranë Gjykatës së Shkallës së Parë Tiranë vijoi të kryejë një hetim të plotë dhe të thelluar për të qartësuar nëse ndodheshim para një rasti sporadik apo para një skeme të mirëfilltë përfitimi nga personeli mjekësor apo ndihmës në kurriz të të sëmurëve me sëmundjen Covid-19, duke mos hezituar të vërë para përgjegjesisë penale këdo që do te rezultonte i implikuar.
Në vijim të veprimtarise hetimore u kryen sekusetrime, kqyrje, pyetje e personave etj dhe nga gjithe veprimtaria hetimore deri ne stadin aktual, shihet qarte qe persona me detyre infermierre apo sanitare ne Spitalin ‘’ Shefqet Ndroqi’’, kane krijuar nje skeme te mirefillte me qellimin e vetem kriminal qe te perfitojne sa me shume ne kurriz te pacienteve te semure me semundjen Covid 19 dhe familjareve te tyre.
Keta persona ne bashkepunim me njera-tjetren, ne kete situate pandemie, ne vend te solidaritetit dhe mbi te gjitha perkushtimit per detyren qe duhej te demonstronin, e trajtonin detyren si nje privilegj nga i cili duhej te perfitonin cdo dite dhe gjithnje e me teper.
Keta persona ne mungese te plote te pergjegjesise qe i ngarkon detyra, ne mungese te plote te solidaritetit, ne shkelje totale te ligjit dhe te moralit shoqeror kane treguar sesi mund te njolloset kemisha e bardhe e cila duhet te perfaqesoje gjithe solidaritetin dhe perkushtimin ndaj pacienteve dhe jo ngritjen ne sistem te abuzimit me detyren dhe perfitmit ne kurriz te pacienteve dhe te familjareve te tyre.
I perket veprimtarise se metejshme hetimore zbulimi eventual i rasteve te tjera apo i personave te tjere te cilet mund te jene te perfshire apo qe kane perfituar ne kurriz te ushtrimit ne menyre te perkushtuar te detyres.
Me Urdher te Prokurorit, nga Policia gjyqsore u krye ndalimi i shtetaseve:
Mira Bushi, e bija e Sifi dhe e Fanije, e datëlindjes 21.07.1969, lindur dhe banuese në Tiranë, me detyrë infermiere e spitalit universitar ”Shefqet Ndroqi”, si person i dyshuar per kryerjen e vepres penale te ”Shpërdorimit te detyrës” dhe ”Mashtrimit” parashikuar nga neni 248 dhe 143/2 i K.Penal
Sheqerije Koci, e bija e Jonuz dhe e Hatixhe, e datëlindjes 26.10.1960, lindur në Librazhd dhe banuese në Tiranë, me detyrë infermiere e spitalit universitar ”Shefqet Ndroqi”, si person i dyshuar per kryerjen e vepres penale te ”Shpërdorimit te detyrës” dhe ”Mashtrimit” parashikuar nga neni 248 dhe 143/2 i K.Penal
Sidorela Çela, e bija e Remzi dhe e Fitore, e datëlindjes 17.08.1993, lindur në Pogradec dhe banuese në Elbasan, me detyrë infermiere e spitalit universitar ”Shefqet Ndroqi”, si person i dyshuar per kryerjen e vepres penale te ”Shpërdorimit te detyrës” dhe ”Mashtrimit” parashikuar nga neni 248 dhe 143/2 i K.Penal
Rukije Hoxhaj, e bija e Ramazan dhe e Zeqine, e datëlindjes 20.02.1964, lindur dhe banuese në Tiranë, me detyrë sanitare e spitalit universitar ”Shefqet Ndroqi”, për veprën penale të ”Mashtrimi” parashikuar nga neni 143/2 i K.Penal