Zëdhënësi i Presidentit të Republikës, z.Tedi Blushi i pyetur nga mediat për një reagim lidhur me qëndrimet e shprehur dje nga ambasadori i BE dhe kryeministri Rama për reformën në drejtësi sqaron se:
Presidenti Meta do të vijojë të bëjë çdo përpjekje për zbatimin ksuhtetues të reformës në drejtësi, sprehet zëdhënësi i kreut të Shtetit, Tedi Blushi, pas qëndrimeve për reformën në drejtësi të ambasadorit të BE-së dhe kryeministrit Rama.
“Kam vetëm një qëndrim për të dy. Presidenti i Republikës, jo vetëm i ka bërë të gjitha përpjekjet e mundshme deri tani, në mënyrë transparente e sistematike, të dokumentuar dhe informale, konstruktive e gjithëpërfshirëse, por edhe do të vazhdojë të bëjë çdo përpjekje për zbatimin kushtetues të reformës në drejtësi, për të evituar vonesat, kolapsin, zbatimin e njëanshëm e përçarës dhe kapjen e sistemit. Presidenti nuk do të lodhet edhe në të ardhmen, si detyrim ndaj qytetarëve shqiptarë, të punojë në këtë frymë”, thotë Blushi në reagimin e tij.
Sipas tij, “Presidenti nuk ndalon askënd, të këndojë “na fitorja në fitore”, si në variantin solo, ashtu edhe në kor”.
Ambasadori Soreca një ditë më parë tha se reforma në drejtësi duhet të jetë prioritet për çdo politikan shqiptar, referuar dhe fjalimit të ashpër të Metës në konferencë për sigurinë ballkanike.