Presidenti ukrainas, Volodymyr Zelensky thotë se komandantët rusë janë në një “çmenduri” në përpjekje për të kapur qytetin lindor të Bakhmut. Për të ata po i çojnë njerëzit drejt vdekjes me goditjet përmes artilerive të rënda.
“Këtu është më e dukshme çmenduria e komandës ruse. Ditë pas dite, për muaj të tërë, ata po i çojnë njerëzit drejt vdekjes atje, duke përqendruar nivelin më të lartë të goditjeve të artilerisë”.
Qyteti, i cili ndodhet në rajonin e Donetskut dhe kishte para luftës një popullsi prej 70,000 banorësh, ka qenë qendra e sulmeve ruse për muaj të tërë. Pavarësisht një përparimi të mundshëm ukrainas në qytetin kyç të Khersonit, Zelensky tha se sulmet vazhduan.
Marrja e qytetit do të ishte një fitore simbolike për Rusinë.