Presidenti ukrainas Volodymyr Zelensky ftoi edhe një herë nënpresidentin amerikan JD Vance për të vizituar Ukrainën gjatë një telefonate të fundit por ai ende po pret një përgjigje.
Në një intervistë për revistën Time, presidenti ukrainas tha se i kishte sugjeruar Vance të rishikonte vendimin e tij për të mos vizituar Ukrainën gjatë luftës.
“Ne jemi ende duke pritur për ju”, i tha Zelensky Vance, por zyrtari amerikan nuk u përgjigj sipas Time.
Gjatë intervistës, Zelensky tha gjithashtu se shpresonte që Donald Trump të kuptonte se Vladimir Putin ishte “më i dobët se sa duket” dhe “nuk mund t’i besohet”.
Zelenksy tha se të gjitha qytetet në Ukrainë që qëndrojnë përgjatë vijës së frontit do të bëheshin si një “mijë Berlinë” gjatë Luftës së Ftohtë.
Ai u shpreh se ato do të ishin “zona të vdekura” në hartën e Evropës.
Gjatë bisedimeve të tensionuara në Zyrën Ovale këtë muaj, Vance tha se Ukraina po mbështetej në rekrutimin.
Në përgjigje të komentit të rekrutimit, Zelensky e pyeti Vance: “A keni qenë ndonjëherë në Ukrainë?”
Përgjigjja ishte jo.
Vance iu kundërpërgjigj: “Unë në fakt i kam parë dhe i kam parë historitë, dhe e di që ajo që ndodh është që ju sillni njerëz, i sillni në një turne propagandistik, President”.