Presidenti i Ukrainës, Volodymyr Zelensky paralajmëron se bota ndodhet në prag të një krize të tmerrshme ushqimore. Bllokada ruse e porteve ukrainase të Detit të Zi, sipas tij, mund të rezultojë në vdekjen e miliona civilëve nga uria.
“Rusia pushtoi pjesë të mëdha të bregdetit të Ukrainës, duke bllokuar eksportet e fermave përmes porteve të saj detare dhe duke rritur koston e grurit. Kjo do të thotë që, për fat të keq, mund të ketë mungesë fizike të produkteve në dhjetëra vende anembanë botës.”
Udhëheqësi ukrainas tha se vendi i tij po përpiqet të eksportojë grurë, misër, perime dhe vaj mes produkteve të tjera që dikur luanin një “rol stabilizues në tregun global” përpara pushtimit të Rusisë më 24 shkurt.
“Miliona njerëz mund të vdesin nga uria nëse bllokada ruse e Detit të Zi vazhdon”, theksoi ai.