Gjatë fjalës së mbajtur pak çaste më parë në Parlamentin Evropian, presidenti i Ukrainës, Volodymyr Zelensky ka përcjellë mes lotësh mesazhe shumë prekëse teksa vendi i tij ndodhet nën pushtimin rus. Ai ka thënë se për disa qytetarë në Ukrainë, dita e sotme mund të jetë dita e fundit e jetës së tyre.
Në një gjëndje mjaft të trishtë dhe me lotët që i rridhnin në faqe, Presidenti Zelensky është shprehur se nuk di se si t’i përshëndesë eurodeputetët, me “mirëmëngjes” apo “mirëmbrëma”.
“Të pranishëm në këtë seancë plenare, ju përshëndes. Nuk di si t’iu falënderoj e përshëndes të gjithëve, pasi nuk mundem të them mirëmëngjes apo mirëmbrëma, sepse çdo ditë për disa njerëz është e fundit. Unë flas sot për qytetarët e mi, për qytetarët e Ukrainës që po mbrojnë duke paguar dhe çmimin më të lartë, po mbrojnë lirinë. Jam i lumtur që është kjo frymë bashkuese, jam i lumtur që jeni bashkuar të gjithë vendet e BE. Nuk e kam ditur, por ky është çmimi që ne duhet të paguajmë”, tha Zelensky.