Pas fitores së përfaqësueses së Ukrainës në Eurovision Song Contest, ka reaguar Presidenti ukrainas Volodymyr Zelensky i cili deklaroi se do të bëjë të pamundurën që festivali të mbahet në Ukrainë vitin tjetër.
Përmes një postimi në rrjetin social “Telegram”, kreu i shtetit ukrainas falenderoi orkestrën Kalush për performancën që çoi fitoren në Kiev dhe të gjithë ata që votuan për vendin e tij.
“Jam i sigurt që korda jonë fitimtare në betejën me armikun nuk është larg”, mësohet të ketë thënë Zelenskyy, bën me dije “CNN“.
Ndërkohë, është ende herët të thuhet nëse festivali i ardhshëm do të mund të mbahet vitin tjetër në Ukrainë, pasi luftimet e ashpra vazhdojnë dhe nuk dihet akoma kur do të vendoset paqja dhe rregulli në vend.