Zëvendës sekretari amerikan i shtetit, David Hale, do të qëndrojë më 8 mars në Beograd dhe më pas në Prishtinë për të nxitur të dyja palët që të ulen në tryezën e bisedimeve për të arritur një marrëveshje për normalizimin e marrëdhënieve.
Departamenti Amerikan i Shtetit, me anë të një njoftimi deklaroi se Dvid Hale do të bisedojë në Beograd me zyrtarë serbë në lidhje me marrëdhëniet dypalëshe dhe do të nxisë kthimin në tryezën e bisedimeve për normalizimin e marrëdhënieveSerbi-Kosovën.
Më pas më 9 mars, zëvendës sekretari amerikan do të vizitojë Prishtinën ku do të takojë udhëheqësit e lartë të Kosovës.
Sipas njoftimit të DASH-it, qëllimi i vizitës do të jetë për të nënvizuar mundësinë historike për të arritur një marrëveshje të plotë të normalizimit të marrëdhënieve me Serbinë dhe për të kërkuar masa për të arritur një zgjidhje.
Kërkesat amerikane kanë nxitur përplasje të brendshme politike në Kosovë ndërmjet atyre që ngulin këmbë të dëgjohen këshillat amerikane dhe atyre që pohojnë se tarifat duhet të pezullohen vetëm me garanci për përfundimin e bisedimeve me Serbinë me njohje të ndërsjelltë.