Takimet e kandidatit socialist për bashkinë e Matit Agron Malaj kanë vijuar me zgjedhësit e fshatrave Derjan, Macukull, Urxallë.
“Ne, tha Malaj, vijmë në Macukull me lajme të mira. Ujësjellësi që do të furnizojë 17 fshatra dhe qytetin e Burrelit është drejt përfundimit. Po ashtu para pak ditësh ka nisur puna për asfaltimin e rrugës Burgajet-Derjan-Macukull, 16.8 km, një investim ky i premtuar prej vitit 1990”, nënvizoi kryebashkiaku i Matit që kërkon një mandat të dytë.
Malaj shtoi se vazhdojnë përpjekjet për sigurimin e ujit 24 orë për 98 % të banorëve të Matit si dhe asfaltimin e të paktën 70 km rrugë në fshatrat e kësaj bashkie. Duke marrë fjalën në këto tubime elektorale banorët janë shprehur se me këto investime të rëndësishme Agron Malaj meriton mbështetje të fuqishme nga çdo matjanë, i majtë dhe i djathtë.
“Agron Malaj është një drejtues i aftë, menaxher i mirë, një intelektual që e do Matin dhe matjanët. Eshtë hera e parë që një kryetar bashkie kërkon një mandat të dytë pasi ka realizuar dhe tejkaluar çdo premtim. Ne matjanët jemi me fat dhe krenar që kemi patur kryetar bashkie Agron Malaj”, u shprehën zgjedhësit e Macukullit.