Menjëherë pas mbylljes së procesit të votimit, drejtuesi Politik i Partisë Socialiste për Qarkun e Fierit, Taulant Balla gjeti rastin t’ju shprehë mirënjohjen qytetarëve të Lushnjës për këto votime që ai i cilësoi si një proces zgjedhor të lirë dhe të rregullt.
Balla tha se pavarësisht se kushtet e motit ndikuan në pjesëmarrje, ai thekson se “shiu në bujqësi është bereqet.” I bindur se PS dhe kandidatja e saj ka siguruar fitoren në bashkinë e Lushnjes, Taulant Balla përgëzon kryetaren në detyrë Eriselda Sefa.
Postimi i Taulant Ballës:
“Mirënjohje popullit të nderuar të Bashkisë së Lushnjes, për një proces zgjedhor të lirë dhe plotësisht të rregullt, ashtu siç i ka hije Lushnjes së Kongresit👐🏼🇦🇱🌟. Kushtet atmosferike ishin të vështira dhe ndikuan në pjesëmarrje, por të gjithë e dimë se shiu në bujqësi është gjithmonë bereqet🤗.
Mirënjohje të gjithë anëtarëve, simpatizantëve, patronazhistëve të Partisë Socialiste në gjithë Lushnjen🙏🌹🇦🇱
Populli foli dhe vendosi! Vullneti i tij tani do të numërohet me korrektësi maksimale dhe rezultati duhet respektuar e pranuar nga të gjithë.
Nesër vijojmë menjëherë punën të mbajmë fjalën e dhënë para popullit të Lushnjes.
Përgëzime Eriselda Sefa🥇🌹”