Zbardhen ndryshimet në Kodin Zgjedhor të dakortësuara dje në Komisionin e Ligjeve.
Këto ndryshime parashikojnë disa lehtësi në lidhje me votën e diasporës dhe kandidatët në listën e hapur.
Ndryshimi i parë është që pagesën e postës per diasporën do ta bëjë qeveria.
Listat e kandidatëve për deputet do të depozitohen 10 ditë më herët ne KQZ në datën 12 mars, ndryshimi i tretë është që numërimi I votës së diasporës të bëhet nga dy partitë e mëdha.
Nga ana tjeter PS e PD ranë dakord që të bëjnë disa ndryshime në lidhje me kandidatët ne zgjedhje. Duke qenë se lista e kandidatëve është pjesërisht e hapur u ra dakord që kandidatët të cilët do ti nënshtrohen votës së qytetarëve të kenë të drejtë të bëjnë reklama në televizione deri në 140 minuta si dhe tëk kenë të drejtë të financojnë fushatën e tyre elektorale deri në 3 milion lekë.
Megjithatë kërkesa e PD që të votojnë shtetasit shqiptarë me dokumenta të huaja biometrike nuk u vendos ne Kod dhe iu la detyrë KQZ të gjejë një zgjidhje. Ndaj kompromisi i arritur nuk është përfundimtar dhe mbetet për tu parë si do të jenë bisedimet mes socialistëve e demokratëve deri të enjten kur ndryshimet në kodin zgjedhor do të votohen në parlament.