Më 18 dhjetor, në veriun e Kosovës, do të mbahen zgjedhjet e pjeshshme lokale. Komisioni Qendror i Zgjedhjeve në Kosovë ka certifikuar zyrtarisht 12 kandidatët.
Në mbledhjen e fundit të KQZ përveç certifikimit të kandidatëve dhe subjekteve politike, janë emëruar dhe Komisionet Komunale të Zgjedhjeve. Në Lesapoviç u certifikuan për të garuar Albulena Behluli-Hetemi nga Partia Demokratike e Kosovës, Lulzim Hetemi nga Lëvizja Vetëvendosje dhe Aleksandar Jabllanoviq nga Partia e Serbëve të Kosovës.
Në Zubin Potok janë certifikuar Izmir Zeqiri nga PDK dhe Flatron Hasani nga LVV, ndërkohë që në këtë komunë nuk do të ketë një kandidat nga radhët e serbëve. Kurse në Zveçan, do të garojnë për kreun e komunës Ilir Peci nga PDK, Fetah Peci nga LVV dhe kandidatja e pavarur Sladjana Pantoviç. Po ashtu në Mitrovicën e Veriut do të garojnë Betim Osmani nga Iniciativa Qytetare Mitrovica, Taulant Kelmendi nga PDK, Erden Atiq nga LVV dhe Aleksandar Arsenijoviq nga Iniciativa Qytetare Mbijetesa Serbe.
Zgjedhjet e parakohshme për kryetarë komune në katër komunat në veri, erdhën pas vendimit të serbëve për t’u tërhequr nga institucionet e Kosovës, në shenjë pakënaqësie me vendimin e qeverisë së Albin Kurtit lidhur me riregjistrimin e makinave me targa serbe.