Lista e kandidatëve të PD për deputetë për zgjedhjet e 2025 do të jetë gati brenda muajit maj. Kështu tha Sekretari i Përgjithshëm i PD-së Enkelejd Alibeaj në “Studio Live”.
“Ka pasur një vonesë për shkak të votimit të proçesit të zgjedhjes së kryetarëve dhe kryesisë. Ne e kishim menduar që ky proçes të përfundonte në fund të marsit. Sot që flasim janë diku te 10 degë të vogla dhe ky ishte shkaku i parë. Proçesi i identifikimit të kandidaturave nuk bëhet për një ditë. Ai është proçes dhe ka startuar para 31 marsit duke përcaktuar kandidaturat për deputetë. Deri në fund të këtij muaji do jetë e përfunduar kjo listë. Në maj do kalohet në lancim të programit. Binomi kandidat dhe program do jetë e përfunduar brenda majit”, shtoi ai.