Komuniteti shqiptar në Greqi ka kërkuar lehtësim të masave në kufi në fundjavë, për të marrë pjesë në zgjedhjet e 25 prillit.
Kujtojmë se vetëm pak orë më parë u bë i ditur vendimi që Kapshtica do të qëndrojë e bllokuar deri më 26 prill.
Një sërë organizatash të minoritarëve greke, si dhe organizata e komunitetit shqiptar në Greqi kanë drejtuar kërkesë qeverisë greke për lehtësim të qarkullimit të votuesve në pikën kufitare tokësore Kalavijë.
Në kërkesën konstante për lejimin e qarkullimit të votuesve kërkohet nga qeveria greke të caktojë kushtet përkatëse për këtë fundjavë të veçantë. Deri tani nuk ka asnjë reagim nga zyrtarët grekë apo referim paraprak nëse do të shqyrtohen kërkesat e ditëve të fundit.