Kreu i Grupit të PS, Taulant Balla ka zhvilluar këtë të premte një takim me të rinjtë e qytetit të Lushnjes, në kuadër të zgjedhjeve të 6 marsit.
Gjatë fjalës së ti Balla, ndërsa iu drejtua të rinjve theksoi se të rinjtë duhet të pyesin vetën se çfarë kontributi mund të japin sot në këtë qytet.
Më tej ai theksoi se këto zgjedhje të cilat konsiderohen të pjesshme janë një moment i rëndësishëm për të gjithë Shqipërinë, dhe për Lushnjen.
“Patronazhistët tanë do t’i garantojnë PS dhe Lushnjes dhe 6 mars një super fitore të shkëlqyer kandidates tonë Eriseldës. Ju falënderoj të gjithëve ju që keni ardhur me flamurin kombëtar, kur dje kishim një ditë të shënuar të Kombit shqiptar. Dje kishim pavarësinë e Kosovës, ku unë nga Lushnja dua ti shpreh mirënjohjen të gjithë atyre që dhanë jetën për pavarësinë e Kosovë. këtu nga Lushnja sepse Lushnja ka meritë të veçantë në historinë e Shqipërinë , pasi këtu në Lushnje në 1920 u hodhën themelet për shtetin shqiptar. ishte Lushnja ajo që ngriti qeverinë, parlamentin dhe këto vlera janë themeli mbi të cilën ne duhet të punojmë. Këto zgjedhje që konsiderohen të pjesshme janë një moment me rënësi për Shqipërinë, sepse në fushën kanë zbritur tri ekipe. Ekipi kombëtar i PS, dhe dy ekipe të kategorisë së tretë, njëri që kapiteni i tyre çohet në 12 pas dreke, dhe ekipi tjetër drejtohet nga një person i cili në 30 vite nuk mbahet mend të ketë bërë një gjë të mirë për Shqipërinë. Një non-grata që prej momentit që SHBA konfirmoi akuzat, ky person kërkon të vijë në Lushnje…dhe bën thirrje për të mbledhur vota për t’i përdorur mish për top kundër SHBA. A do të lejojnë të rinjtë që vota e tyre të përdoret kundër SHBA. A do të pranojnë të rinjtë Bashën…por ne zgjoheni herët, dhe në Lushnje kemi shumë nevojë për punë…Punët më mirë këtu mund t’i bëjë Eriselda, tha Balla, ndërsa shtoi: Na ka ardhur radha ne ta qeverisim Lushnjen. Fitoren këtu në Lushnje a e duam të thellë. Siç fituam me Beratin, në futboll.