Një takim mes liderëve të gati të gjitha partive politike në Maqedoninë e Veriut, prodhoi më në fund një dakordësi mbi datën e zgjedhjeve të ardhshme. Raudi i parë i zgjedhjeve presidenciale do të mbahet më 24 prill, ndërsa 2 javë më vonë, më 8 maj, qytetarët do të votojnë njëkohësisht për zgjedhjet parlamentare dhe raundin e dytë të zgjedhjeve presidenciale.
Më 28 janar do të formohet një qeveri teknike e kryesuar nga një kryeministër shqiptar, i cili do të propozohet nga partia Bashkimi Demokratik për Integrim, që drejtohet nga Ali Ahmeti. VMRO DPPMNE-ja kishte kërkuar që të mos ketë qeveri teknike, e cila po praktikohet në tri ciklet e fundit zgjedhore bazuar në atë që njihet si “marrëveshja e Përzhinës”. Kovaçevski tha se në takim me partitë politikekishte “konsensus jashtëzakonisht të gjerë” për vërejtjet mbi legjislacionin zgjedhor.
Opozita shqiptare u largua nga mbledhja pas braktisjes së saj nga kreui Kuvendit të Maqedonisë së Veriut, Talat Xhaferi i cili sipas partive opozitare “nuk kishte dashur të bisedonte lidhur me kërkesat e opozitës që të jetë të përfaqësuar me një anëtar në Komisionin Shtetëror të Zgjedhjeve”.