“Jam i vendosur në evitimin e shkallëzimit të krizës politike” është shprehur Presidenti Ilir Meta në konferencën përmbyllëse për shtyp, para nisjes së pushimeve.
Ai bëri thirrje dhe njëherë për zbatimin e dekretit të Presidenti për zgjedhjet e 13 tetorit, teksa përmendi dhe faktin se çdo vendim i Gjykatës Kushtetuese lidhur me dekretet e Presidentit ka efekt për të ardhmen e çka sipas toij do të thotë se 30 qershori ka ikur si datë dhe është i paligjshëm.
“Çdo vendim i Gjykatës Kushtetuese lidhur me dekretet e Presidentit do të ketë efekte për të ardhmen, jo për të shkuarën. Sepse dekretet janë në fuqi, të drejta apo të gabuara nga ana kushtetuese, deri tani janë akoma derisa të shprehet Gjykata Kushtetuse. Dhe nuk e kthejmë më 30 qershorin e këtij viti që ka ikur si datë. Kështu që jemi në kushtet e paligjshmërisë nëse nuk reflektohet menjëherë për të zbatuar dekretin e Presidentit për datën 13 tetor dhe kjo do të jetë një kosto mjaft serioze”, tha Meta.
Kreu i shtetit ishte i sigurtë 101% siç tha ai se çelja e negociatave të Shqipërisë në tetor do të varet nga zbatimi i këtij dekreti.
“Dua ta ftoj dhe njëherë kryeministri Rama që të reflektojë të mos pengojë zbatimin e dekretit për datën 13 tetor të Presidentit të Republikës por dhe institucionet e tjera të bëjnë detyrat e tyre”, tha Meta.
Lexo edhe- “Të mos kalojmë në kundërkohë”, Meta: Shqipëria ka nevojë për zgjidhje tani, në shtator shumë vonë