KOSOVË – Qytetarët e Kosovës me të drejtë vote, ditën e sotme vazhdojnë ti drejtohen kutive të votimit për të zgjedhur përfaqësuesit e tyre për një mandat 4-vjeçar. Mbi 100 vëzhgues të BE po vëzhgojnë nga afër procesin me qëllim ruajtjen e standardeve demokratike. Deri në orën 15:00 sipas raportimit të fundit të KQZ, pjesëmarrja në votime është mbi 17 për qind.
Numri më i ulët i votuesve është në Mitrovicën e Veriut. Ndërkohë në disa qendra votimi ka pasur probleme me internetin dhe kamera që cënojnë të drejtën e votuesve.
Më herët u raportua se deri në orën 12:00, raste të izoluara të fotografimit të votës janë hasur në 4% të vendvotimeve. Gjithashtu janë raportuar raste sa i përket fshirjes me lehtësi të ngjyrës matrikuluese nga gishti, që mund t’i hapë rrugë mundësisë së votimit të dyfishtë.