Kryeministri grek Kyriakos Mitsotakis i ka kërkuar Presidentes Katerina Sakellaropoulou të shpërndajë Parlamentin dhe datën 21 Maj zyrtare për zgjedhjet parlamentare.
Zgjedhjet do të shpalleshin ditën e aksidentit të frikshëm në Tembi nga Selaniku, ku Mitsotakis do inaguronte dhe një sistem të ri automatik të qarkullimit të trenave. Gjithçka u anulua për javë të tëra kur më pas Mitsotakis nën presionin e vazhdueshëm të opozitës deklaroi datën.
Me vulosjen e dekretit presidencial më 24 Prill Greqia hyn zyrtarisht në fushatë elektorale. Kështu të gjitha partitë dhe kandidatët për deputetë i nënshtrohen rregullave zgjedhore, me kufizime specifike për daljet televizive. Kryeministri Kyriakos Mitsotakis bëri të qartë se kërkohet stabilitet politik, me zgjidhje të qarta në drejtimin e vendit.
“Në katër vite, pavarësisht vështirësive, është bërë shumë, por mbetet shumë për të bërë. Në korrik 2019 nuk premtova. Ju jeni të vetëdijshëm, krizat e njëpasnjëshme të jashtme që ka kaluar dhe kapërcyer vendi ynë këto vite: së pari, emigracioni, pandemia, lufta në Ukrainë dhe sfidat kombëtare të një fqinji të paparashikueshëm si Turqia. Përballë gjithë kësaj, ekonomia dhe shoqëria jonë qëndruan të palëkundur. Greqia ka nevojë për një perspektivë të qartë në rrugën e saj dhe zgjidhje të qarta në udhëheqjen e saj”.
Presidentja e Greqisë nga ana tjetër kërkoi një periudhë parazgjedhore të qetë dhe të frytshme për të mirën e vendit. E veçanta e këtyre zgjedhjeve parlamentare është se për herë të parë ato zhvillohen me sistem të thjeshtë proporcional dhe si rezultat asnjë parti nuk mund të fitojë shumicën në parlament pasi do duhet të përqëndrojë mbi 46% të votave.
Brenda dhjetë ditëve do të duhet të përfundojë procesi i mandateve për qeverisje që do të marrin tre partitë e para, ndërkohë që ndasitë mes tyre për të krijuar qeveri koalicioni janë tepër të mëdha.
Ndaj nuk përjashtohet që liderët e partive t’ia kthejnë mandatin presidentes në një kohë më të shkurtër. Megjithatë, gjykatat kompetente do të kenë ratifikuar deputetët e zgjedhur dhe në të njëjtën kohë do të konstituohet parlamenti i ri si organ.