Vetëm 26 ditë na ndajnë nga zgjedhjet parlamentare të 25 prillit por për t’u realizuar ato kërkohet angazhimi i shumë qytetarëve.
Në këto palë zgjedhje kërkesa është më e lartë falë edhe projektit pilot dhe identifikimit biometrik.
Komisioni Qendror i Zgjedhjeve ka shpallur një njoftim ku ofron mundësi punësimi për trajnimin e administratës zgjedhore në zgjedhjet e 25 prillit.
Sipas KQZ kërkohen trajnerë për të trajnuar 3 kategoritë e mëposhtme:
-trajnime për anëtarët e Komisioneve të Zonave të Administrimit Zgjedhor (KZAZ),
-trajnime për anëtarët e Komisioneve të Qendrave të votimit (KQV-ve)
-trajnime për anëtarët e Grupeve të Numërimit të Votave (GNV-ve).
NJOFTIMI I PLOTË I KQZ-së:
Komisioni Qendror i Zgjedhjeve kërkon të kontraktojë trajnerë, në rang vendi, për dhënie trajnimi për administratën zgjedhore për zgjedhjet për Kuvendin të datës 25 Prill 2021:
54 trajnerë për dhënie trajnimi për anëtarët e Komisioneve të Zonave të Administrimit Zgjedhor (KZAZ);
265 trajnerë për dhënie trajnimi për anëtarët e Komisioneve të Qendrave të Votimit (KQV-ve);
92 trajnerë për dhënie trajnimi për anëtarët e Grupeve të Numërimit të Votave (GNV-ve).