Analisti i njohur Artur Zheji duke folur për Saimir Tahirin, tha në studion e lajmeve të Ora News me gazetaren Beti Njuma se ai është djali i zgjuar, “por është në hall të madh”.
Zheji përdori një metaforë për të treguar se Tahiri është në gjendje të rrëzojë jo një, por disa qeveri, nëse “nxjerr mineralin” prej sondës që ka futur thellë.
Artur Zheji: Saimir Tahiri është djalë shumë i zgjuar, por është në hall të madh. Por ama di ta fusë sondën shumë thellë dhe po e nxori ai atë mineralin nga ajo thellësi të njohjes që ka si ish-ministër i Brendshëm për disa vite të rëndësishme, këtu bien disa qeveri rresht. Ai ekspozon veten ndaj një risku shumë të madh.
Beti Njuma: Nuk keni parë gjë akoma tha Tahiri…
Artur Zheji: Ka frikë ai se nuk mund ta ekspozojë veten drejt atij risku, sepse i vihet në rrezik drejtpërdrejt dhe kjo është e qartë. Ai e di këtë, por është ajo pika e shkrirjes. Ai luan me këtë gjë, sa e ka, kur SMS është një lloj karemi frikësues për t’i thënë dëgjo: Deri këtu mos kaloni vijën e kuqe, unë jam Saimir Tahiri.