Real Madridin nuk e shëroi fitorja në “El Clasico” dhe u rikthye sërish të barazojë kundër një rivali më inferior, siç ishte Shaktar Donjetsk në Champions League. Në pushimin e asaj ndeshje u shënua edhe një episod i paprecedentë. Benzema u kap nga kamerat duke i thënë Mendi: “Vëlla, mos luaj me atë, mos i paso. Të betohem në kokën e nënës time, ai po luan kundër nesh”.
Ky episod ka ngjallur polemika të mëdha në gjithë globin, teksa më në fund ka reaguar një pjesëtar i klubit “Merengues”. Ishte trajneri Zidan që konferencën e para ndeshjes me Hueska u shpreh se të tilla episode kanë ndodhur edhe më parë, por nuk janë kapur sepse ka patur më pak kamera. Zidan siguroi të sqaronte se kjo mosmarrëveshje ishte zgjidhur dhe situata mes lojtarëve është normalizuar.