Trajneri i Real Madridit, Zinedine Zidane, e ka vlerësuar Benzeman si sulmuesin më të mirë francez në histori, pas dy golave që ai i shënoi duke i siguruar madrilenëve një fitore prej 3:1 kundër Athletic Bilbaos.
Pavarësisht se Bilbao luajti me një lojtar më pak, skuadra e Zidane pati shumë vështirësi të shënojë, derisa Benzema shfaqi aftësi mbresëlënëse duke shënuar dy herë.Pas ndeshjes, Zidane u pyet nëse Benzema është sulmuesi më i mirë francez i të gjitha kohëve.
“Për mua, po”, tha Zidane. Ai e ka treguar këtë dhe ka qenë në Real Madrid për një kohë të gjatë. Ai i ka zhvilluar më shumë se 500 ndeshje dhe ka shënuar gola. Në fund të fundit, rekordi i tij flet vetë, shtoi ai. “Për mua, ai është më i miri. Është e qartë”.