Është ndër yjet e kombëtares së Ukrainës, që do të marrë pjesë në Euro2024. Por, Zinçenko tashmë stabël tek skuadra angleze e Arsenal nuk e harron asnjëherë vendlindjen. Në një moment të vështirë për ta, që prej pushtimit nga Rusia në vitin 2022, 27-vjeçari ukrainas është munduar për të ndihmuar si të mundet.
Një milionë paund janë dhuruar nga mbrojtësi, teksa tashmë ai ka zbuluar se nëse do të ishte e nevojshme do të kthehej në Ukrainë dhe për të luftuar në mbrojtjen e vendit të tij.
Oleksandr Zinchenko, futbollist i Ukrainës: Kam një përgjigje të qartë, unë do të shkoja. Me të vërtetë shpresoj dhe kam një ëndërr që kjo luftë do të përfundojë shumë shpejt dhe ne mund ta rindërtojmë Ukrainën tonë ashtu siç duam. Është shumë e vështirë t’i përshkruaj emocionet e rikthimit për të luajtur futboll para tifozëve tanë.
Presidenti ukrainas Volodymyr Zelenskiy nënshkroi një projekt-ligj për të ulur moshën e mobilizimit për detyrën ushtarake në 25 nga 27-vjeç. Zinchenko e filloi karrierën e tij në Rusi me Ufa-n përpara se të bashkohej me Manchester City në vitin 2016, ku fitoi katër tituj të Premierligës angleze.