Një zjarr ka rënë mbrëmjen e sotme në lagjen “Stan” në fshatin Moravë, i cili është përhapur me shpejtësi, i favorizuar nga era.
Në zonë kanë shkuar efektivë të shumtë zjarrfikës, që pasi kanë lokalizuar flakët e zjarrit, kanë kryer edhe fikjen e tij në një kohë të shkurtër.
Burimet zjarrfikëse në vendngjarje bëjnë me dije se, zjarri ka qenë i qëllimshëm dhe se po punohet për identifikimin e autorëve.
Si pasojë e zjarrit është djegur një sipërfaqe e konsiderueshme me bimësi, shkurre e ferra, ndërkohë që fatmirësisht zjarri nuk përparoi drejt banesave të zonës.