Ishulli i Sazanit është përfshirë nga flakët këtë të diel.
Mësohet se zjarri, i cili ka rënë në pjesën lindore të ishullit, në vendin e quajtur “Plazhi i Gjeneralit”, ka nisur që prej orëve të para të mesditës dhe vijon ende.
Janë djegur sipërfaqe të konsiderueshme me shkurre, ndërsa nuk dihen shkaqet e rënies së zjarrit.
Forcat e rojës bregdetare si dhe administrata e zonave të mbrojtura po punojnë për shuarjen e flakëve.