Pasditen e sotme ka shpërthyer zjarr në magazinën e një fabrike të vendosur në zonën e ish-Metalurgjikut në Elbasan.
Sipas të dhënave paraprake, flakët kanë pushtuar magazinën e një kompanie të administruar nga investitorë turq, e cila prodhon letra të lagura dhe produkte të tjera higjienike.
Menjëherë pas marrjes së njoftimit, në vendngjarje kanë shpejtuar njësitë e Shërbimit Zjarrfikës dhe forcat policore, të cilat po punojnë për vënien nën kontroll të situatës.
Deri në momentin e këtij raportimi nuk ka asnjë informacion zyrtar për persona të lënduar, ndërsa shkaqet e zjarrit mbeten ende të paqarta. Policia ka nisur verifikimet për të zbardhur rrethanat e ngjarjes, teksa autoritetet vijojnë punën për shuarjen e plotë të flakëve dhe vlerësimin e dëmeve materiale.