Një zjarr ka rënë pasditen e së shtunës në një banesë në Korçë, ku si pasojë ka humbur jetën 74-vjeçari Urim Hysolli.
Sipas të dhënave paraprake, flakët kanë përfshirë një apartament në një pallat, ndërsa tymi është përhapur edhe në katet e tjera të godinës.
Në vendngjarje kanë mbërritur forcat zjarrfikëse dhe shërbimet e Policisë, të cilat kanë ndërhyrë për evakuimin e banorëve dhe vënien nën kontroll të situatës.
Paraprakisht dyshohet se zjarri mund të jetë shkaktuar nga pakujdesia, megjithatë shkaku i saktë mbetet ende i pakonfirmuar.
Pas shuarjes së flakëve, grupi hetimor pritet të kryejë veprimet procedurale për të zbardhur plotësisht rrethanat dhe shkaqet e ngjarjes.