Një apartament në katin e fundit të një pallati 4-katësh në Tiranë është përfshirë nga flakët pasditen e të martës. Zjarri është përhapur edhe në katet e mëposhtme. Në vendngjarje kanë mbërritur forcat zjarrfikëse. Ngjarja ka ndodhur në rrugën “Mihal Grameno”.
Për momentin nuk ka informacione për viktima apo persona të lënduar, ose nëse ka pasur njerëz brenda në banesë.