Një sipërfaqe prej 3.000 hektarësh është djegur në perëndim të kryeqytetit të Argjentinës, Buenos Aires.
Zëvendësdrejtori i Mbrojtjes Civile dhe koordinatori i Komandës së Operacioneve Emergjente (COE), Bruno Lovinson tha se zjarri nuk mund të vihet ende nën kontroll.
“Zjarri është efektiv në një zonë shumë të gjerë. Puna vazhdon që nga dita e djeshme”, tha ai.
Më shumë se 150 zjarrfikës, njësi ushtarake dhe dy avionë nga Shërbimi Kombëtar i Menaxhimit të Zjarrfikësve (SNMF) dhe një helikopter ushtarak po mbështesin përpjekjet për shuarjen e zjarreve.
Shërbimi Meteorologjik Kombëtar (SMN) paralajmëroi zjarre të reja në pyje për shkak se vala e fortë e të nxehtit do të vazhdojë.