Në konferencën e përbashkët me kryeministrin Edi Rama, komisioneri i BE për menaxhimin e krizave, Janez Lenarčič deklaroi se mekanizmi që ai drejton do t’i vijë në ndihmë Shqipërisë gjatë verës për menaxhimin e situatës së zjarreve.
“E mbani mend që vjet në verë që Shqipëria u përball me shumë zjarre si çdo vend tjetër në Mesdhe. Shqipëria ka qenë një nga ato vende që kanë kërkuar asistencë dhe ajo iu dha vjet. Edhe sivjet në verë mund të vijë. Ka ndodhur edhe përpara një jave. Mekanizmi është gati të ndihmojë. Nuk duhet të harrojmë se ky mekanizëm funksionon për shkak të mekanizmit. Ne nuk kemi avionë që të shuajmë zjarret. I kanë shtete anëtare. Solidariteti bën të mundur të funksionojë ky mekanizëm. Ne mbulojmë një pjesë të madhe të financimit. Sivjet në verë jemi gati për një verë të ngjeshur. Shpresojmë që edhe shtete të jenë gati duke bërë të disponueshme mjetet që kanë”, deklaroi ai.