Kreu i shtetit Ilir Meta ka shprehur shqetësimin e tij për situatën e krijuar nga zjarret masive në qarqet e Gjirokastrës dhe Lezhës.
Ai kërkon marrjen e menjëhershme të masave nga autoritetet për të neutralizuar vatrat e zjarrit. “Presidenti Meta duke theksuar rëndësinë e ruajtjes së mjedisit dhe të natyrës, u bën thirrje dhe nxit institucionalisht autoritetet qendrore e vendore, për koordinimin në kohë, me qëllimin përballimin me efektivitet të situatës, për t’u ardhur në ndihmë zonave të prekura nga zjarret, veçanërisht për eliminimin e rrezikut për jetët e qytetarëve”, thuhet në reagimin e kreut të shtetit.
Lexo edhe- Zjarr masiv në kodrat e Shëngjinit, shumë afër zonës së banuar (VIDEO)
Vatrat e zjarrit në Kodrat e Shëngjinit janë shumë afër zonës së banuar dhe rrezikojnë varrezat dhe disa ndërtesa aty pranë.
Ndërkohë që në Trebeshinë për shkak të vatrave të zjarrit kanë shpërthyer e disa predha të kohës së Luftës së Dytë Botërore duke përbërë rrezik. Shpërthimet janë dëgjuar deri në qytetin e Tepelenës.
REAGIMI I METES
Presidenti i Republikës Sh.T.Z Ilir Meta është duke ndjekur me shumë shqetësim situatën aktuale të shkaktuar nga përhapja masive e zjarreve në disa qarqe të vendit, veçanërisht në Gjirokastër dhe Lezhë.
Presidenti Meta inkurajon personelin e Forcave të Armatosura dhe të Ministrisë së Brendshme, njësitë e Emergjencave Civile, si dhe drejtuesit e pushtetit vendor në këto qarqe, për marrjen e menjëhershme të të gjitha masave efektive të emergjencës, për të neutralizuar vatrat e zjarrit dhe për t’iu ndodhur pranë qytetarëve të cilët mund të rrezikohen nga përhapja masive e tyre.
Presidenti Meta duke theksuar rëndësinë e ruajtjes së mjedisit dhe të natyrës, u bën thirrje dhe nxit institucionalisht autoritetet qendrore e vendore, për koordinimin në kohë, me qëllimin përballimin me efektivitet të situatës, për t’u ardhur në ndihmë zonave të prekura nga zjarret, veçanërisht për eliminimin e rrezikut për jetët e qytetarëve.