Ministri mbrojtjes, Niko Pelesheshi përmes një postimi ka reaguar lidhur me situatën e zjarreve në vend, duke publikuar shifra dhe bërë një rezyme të situatës gjatë 24 orëve të fundit.
Përmes postimit ai shkruan se sipas të dhënave nga Qendra Kombëtare Operacionale e Emergjencave, gjatë 24 orëve të fundit janë raportuar 14 vatra zjarri, nga të cilat 11 janë shuar ndërsa vijojnë end etë jenë aktive dhe 3 të tjera.
Situata e zjarreve në vend/ Sipas të dhënave nga Qendra Kombëtare Operacionale e Emergjencave Civile në #AKMC, gjatë 24 orëve të fundit janë raportuar 14 vatra zjarri, nga të cilat janë shuar 11 dhe janë aktive 3 vatra zjarri.
Sot puna po vijon në bashkinë Delvinë, ku është aktive vatra e zjarrit sipër Manastirit dhe fshatit Kakodhiq. Në bashkinë Gjirokastër, efektivët e Forcave të Armatosura dhe ato të emergjencave vendore kanë nisur punën prej orëve të para të mëngjesit për shuarjen e vatrave të zjarrit mbi Malin e Gjerë, ku flakët kanë një një shtrirje 10-12 km dhe janë të shpërndara në 3 vatra.
Po ashtu po punohet për shuarjen e zjarrit të rënë dje, pranë liqeneve të Lurës, në fshatin Gurë – Lurë të bashkisë Dibër, ku ndërhyrja paraqet vështirësi për shkak edhe të terrenit shumë shkëmbor.
Falënderim për të gjithë efektivët zjarrfikës, efektivët e Forcave të Armatosura, forcat bashkiake, forcat policore, punonjës të Administratës së Zonave të Mbrojtura, shërbimit pyjor e forcave vullnetare që po luftojnë prej disa ditësh me flakët.