Situata në fushën e mbetjeve në Vlorë vijon të jetë problematike. Në një reagim për mediat, Drejtori i Ndërmarrjes së Shërbimeve Publike në Bashkinë Vlorë, Edmond Leka thotë se në zonë ndodhet edhe kryebashkiaku i Vlorës, Ermal Dredha dhe po punohet për të shuar zjarrin.
“Këtu jemi të gjithë po përpiqemi. Punë e vështirë për zjarrfikësit se është vatër mbetjesh dhe më e vështirë është shuarja se është plastikë dhe rri zjarri aty. Janë marrë kamionë me rërë dhe thasë për ta izoluar në mënyrë që mos të përhapet. Aty është vetë kreu i bashkisë.”- tha Edmond Leka, drejtor i shërbimeve publike në Bashkinë Vlorë.