Mëngjesin e kësaj të enjte, një 82 vjeçar ka humbur jetën, si pasojë e një zjarri që përfshiu banesën e tij.
Ngjarja e rëndë ka ndodhur në fshatin Bubullimë në Lushnje, ku ka marrë flakë një banesë e vjetër në të cilën jetonte çifti i moshuar. Si pasojë e zjarrit dhe tymit ka ndërruar jetë Koli Koçi, ndërsa bashkëshortja e tij ka arritur të dalë nga banesa në kohë.
Paraprakisht dyshohet se ka qenë soba e lënë ndezur gjatë natës që ka shkaktuar zjarrin ndërsa grupi hetimor ndodhet në vendin e ngjarjes.