Kryebashkiaku i Kamzës, Rakip Suli, ka reaguar pas zjarrit që përfshiu mesditën e sotme tarracën e Bashkisë.
Në postimin që ka bërë në rrjetet sociale ai ka bërë të ditur se zjarri është shkaktuar për shkak të një shkëndije elektrike, ku krahas postimit ka publikuar dhe fotot se si duket Bashkia pas shuarjes së flakëve. Ndër të tjera ai Suli ka falënderuar edhe ekipin e zjarrfikësve të cilët kanë vepruar në mënyrë të shpejtë.
Postimi
“Një shkëndijë elektrike u shkaktua sot jashtë ambientit të Bashkisë Kamëz! Faleminderit ekipit të zjarrëfikëses 👨🏻🚒së Bashkisë Kamëz, të cilët ndërhynë në kohë rekord duke bërë të mundur shuarjen e zjarrit🔥! Ndryshe nga sot ku çdo problem e ka një zgjidhje, para 6 muajsh kjo bashki nuk kishte as zjarrëfikëse dhe raste të tilla do të ishin fatale🆘!.