Ministri i Mbrojtjes, Niko Peleshi ka reaguar pas zjarrit masiv në ishullin e Sazanit, ku janë djegur sipërfaqe të konsiderueshme me shkurre.
Përmes një postimi në “Facebook”, Peleshi shkruan se 61 efektivë të Forcës Detare dhe Tokësore po punojnë për shuarjen e flakëve, me përpjekjet maksimale pavarësisht terrenit të vështirë.
“Që prej mesditës, 61 efektivë, kryesisht të Forcës Detare dhe forcat e gatshme të Forcës Tokësore, së bashku me zjarrfikës të Vlorës, po punojnë për shuarjen e zjarrit të rënë në Ishullin e Sazanit.
Përpjekjet maskimale vijojnë në kushte tepër të vështira ku terreni dhe bimësia vështirësojnë fikjen e zjarrit.”