Situata e krijuar nga zjarri në malin e Shëngjinit paraqitet drejt normalizimit, pas ndërhyrjes së pandërprerë të forcave zjarrfikëse gjatë gjithë mbrëmjes.
Gjashtë mjete zjarrfikëse arritën të vënë nën kontroll flakët, pavarësisht se era e fortë e vështirësoi në disa momente operacionin për shuarjen e zjarrit.
Mëngjesin e sotëm kanë mbetur aktive vetëm disa vatra të vogla, ndërsa për shkak të terrenit të vështirë malor ka nisur edhe ndërhyrja nga ajri për shuarjen e tyre.
Fatmirësisht, nuk raportohen dëme në banesa apo biznese. Ndërkohë, qarkullimi në aksin rrugor Lezhë–Shëngjin vijon normalisht, pa krijuar probleme për pushuesit që kanë zgjedhur bregdetin e Shëngjinit për të kaluar fundjavën.