Zjarri që ka përfshirë ekonominë pyjore Lofkënd-Ngraçije në Bashkinë Mallakastër vijon të zgjerojë perimetrin, ndërsa mëngjesin e sotëm është intensifikuar operacioni për izolimin e flakëve.
Në terren janë angazhuar dhjetëra forca dhe mjete, ndërsa në orët e para të mëngjesit intensiteti i zjarrit është më i ulët.
Në operacion janë angazhuar:
- 30 trupa të Forcave të Armatosura;
- 10 efektivë të Policisë Bashkiake;
- 15 punonjës të Ndërmarrjes së Shërbimeve Publike;
- 5 efektivë të MZSH-së;
- 1 automjet zjarrfikës.
Në pjesën tjetër të vatrës, në drejtim të ekonomisë pyjore Gjinoqare, po operojnë strukturat e MZSH Patos, me dy mjete dhe 10 efektivë.
Pavarësisht intensifikimit të operacionit, vatra e zjarrit vijon të zgjerojë perimetrin. Megjithatë, në orët e para të mëngjesit është konstatuar një ulje e intensitetit të flakëve.