Një vatër zjarri është shfaqur në kodrat e fshatit Babicë, në Vlorë, duke u favorizuar nga temperaturat e larta dhe era e fortë, çka bëri që flakët të përhapeshin me shpejtësi.
Zjarri rrezikoi disa banesa të zonës, ndërsa përfshiu sipërfaqe me shkurre, pemtari dhe ullishte, duke djegur disa rrënjë ulliri.
Në vendngjarje ndërhynë menjëherë forcat e shërbimit zjarrfikës të Vlorës, të cilat, pas rreth një ore pune intensive, arritën të izolojnë dhe më pas të shuajnë plotësisht flakët, duke parandaluar përhapjen e tyre drejt banesave.
Nga zjarri u shkaktuan vetëm dëme në bimësi pemtari dhe ullishte, ndërsa nuk raportohet për persona të lënduar