Një situatë alarmante vijon të jetë e pranishme në zonën e Pukës, ku një zjarr i përmasave të konsiderueshme ka përfshirë prej ditësh sipërfaqe të mëdha pyjore.
Flakët janë përhapur në zonat e Gojanit, Gjegjanit dhe Haxhiajve, duke djegur dhjetëra hektarë pyje dhe duke shkaktuar dëme të konsiderueshme në masivet e gjelbra.
Situata paraqitet veçanërisht shqetësuese në Gojan të Vogël, në Njësinë Administrative Gjegjan, ku zjarri po afrohet me shpejtësi drejt zonës së banuar.
Pamjet e siguruara tregojnë përmasat e vatrave të zjarrit, ndërsa tymi ka përfshirë sipërfaqe të mëdha. Strukturat e emergjencave dhe autoritetet vijojnë ndërhyrjen në terren, në përpjekje për izolimin dhe shuarjen e vatrave, ndërsa situata mbetet dinamike.
Zjarri vijon të përbëjë rrezik për zonat e banuara dhe të shkaktojë dëme të mëdha në sipërfaqet pyjore.