Një zjarr i përmasave të mëdha ra pranë shtëpisë së të moshuarve në Fier, dhe sot janë marrë masa për lyerjen e mureve të këtij institucioni. Si pasojë e tymit, disa prej të moshurave dje u dërguan në spital. Ata treguan se fatmirësisht zjarri nuk ndodhi gjatë natës pasi situata mund të kishte marrë përmasa tragjike. Sipas njërit prej tyre incidenti ndodhi nga një shkëndijë elektrike.
”Patën vështirësi për të dalë njerëzit. Kemi nxjerrë njerëz me batanije. Shyqyr që nuk patëm të vdekur. Ishte gjë e mirë që na ndodhi ditën dhe jo natën. Shpëtuam. Erdhi drejtoria erdhi zjarrfikësja na nxorën jashtë. Ndodhi një incident elektrik, jashtë. Nuk dola dot nga dera jashtë. Ishte e mbushur me tym. S’kemi pasur flakë vetëm tym. Kemi vajtur te spitali kam fjetur ne reanimacion’.’- tha një prej tyre”,-tha njëri prej tyre.
Një i moshuar tjetër tha se ngjarja ishte e papritur e se tymi u bë si një vullkan. ‘‘Kam dalë deri përtej nga shkallët. Duke u mbajtur në hekura se nuk shikoja dot. Ishte shumë tym gjitha ajo blozë. Shkuam në spital me urdhër të kryetarit të bashkisë. Mirë vajtëm. Ishte një ngjarje e papritur ndodhi në një kohë me ditë pasi të ishte natë do të ishte tragjedi e madhe. Erdhi nga jashtë u bë një ty mi madh si vullkan”,-u shpreh një tjetër.