Pas raportit për vatër zjarri pranë zonës së mbrojtur në Berzanë të Lezhës, ka nisur operacioni nga ajri për shuarjen e flakëve. Në vendin e ngjarjes ka mbërritur një helikopter Cougar, si dhe 60 efektivë të Forcave të Armatosura.
Ministria e Mbrojtjes bën me dije nëpërmjet një njoftimi se në terren po punohet për shuarjen e flakëvt të cilat rrezikojnë të përhapen edhe më tepër për shkak të erës së fortë.
Ndërhyrja nga ajri u kërkua nga prefekti i qarkut Lezhës, Gjergj Prendi, i cili po drejton operacionin, pasi për shkak të terrenit, depërtimi i zjarrfikësve dhe forcave të ushtrisë ishte i pamundur.