Elvis Naçi u rikthye në fshatin Kumaran të Drenasit në Kosovë, këtë radhë bashkë me Sidrit Bejlerin dhe producentin ekzekutiv të emisionit “Shqiptarët për shqiptarët” Ilir Hoxhollin për t’i rikthyer buzëqeshjen një shqiptari.
Investimi i një jetë të terë në banesën e Kujtim Bashutës u bë hi brenda 10 minutave, kur një shkëndijë elektrike i shkrumboi banesën.
Në një kohë rekord, për vetëm një muaj e gjysmë, shqiptarët bujarë i rindërtuan shtëpinë e shkrumbuar nga zjarri Kujtimit dhe gruas së tij. Rindërtimi nga themelet e banesës ishte një sfidë më vete për ndërtuesit duke pasur parasysh edhe motin e ftohtë kur u kryen punimet.