Kryeminsitri i Maqedonisë së Veriut, Zoran Zaev, i shoqëruar nga ministri i jashtëm Nikola Dimitrov dhe zv. Kryeministri për çështjet evropiane Bujar Osmani janë sot në Tiranë për një vizitë zyrtare në vendin tonë.
Në kuadër të kësaj vizite, siç raporton agjencia e lajmeve INA, janë planifikuar takime në nivel delegacionesh.
“Paradite, kryeministri Zoran Zaev dhe delegacioni qeveritar do të takohen me kryeministrin shqiptar Edi Rama, më pas do të ketë konferencë të përbashkët. Pas dite, është planifikuar takim edhe me kryetarin e Kuvendit të Shqipërisë, Gramoz Ruçi”, thuhet në njoftimin e Qeverisë.
Axhenda
10:00 – Ceremoniali zyrtar te Pallati i Brigadave
10:30 – Takim i dy delegacioneve
11:15 – Konferencë e përbashkët e dy kryeministrave
Kjo do të jetë vizita e parë e delegacionit të Qeverisë së Maqedonisë së Veriut në Shqipëri, pas zyrtarizimit të emrit të ri të shtetit